” એજન્ટે દંપતીને બનાવટી વિઝા બનાવી આપ્યાં હતાં.“
અમદાવાદ SOGએ મહેસાણા ના રહેવાસી એવા એક દંપતી રાજેશ પટેલ અને સોનલ પટેલની ધરપકડ કરી છે. આ બંને ગત 19 ડિસેમ્બરના રોજ અમદાવાદ થી અમેરિકા જવા નીકળી રહ્યાં હતાં ત્યારે એરપોર્ટ પર ઇમિગ્રશન દ્વારા તપાસ કરતા જાણવા મળ્યું કે આ વિઝા બનાવટી છે. જેથી બંનેને પકડી પોલીસને સોંપવામાં આવ્યાં હતાં. પોલીસે બંનેની ધરપકડ કરી તપાસ શરૂ કરી તો જાણવા મળ્યું છે કે એક અજેન્ટ વિશ્વજીત પટેલ નામ ના વ્યક્તિએ આ નકલી વિઝા બનાવી આપ્યા હતા.
” અમેરિકા પહોંચ્યા બાદ દંપતી પાસેથી એજન્ટે 1.2 કરોડ લેવાના હતાં“
પોલીસ ની તપાસ માં સામે આવ્યું છે કે આરોપી વિશ્વજીત પટેલે આ દંપતી પાસે થી 10 લાખમાં નકલી વિઝાની વાત કરી હતી અને એવી પણ વાત સામે આવી છે કે આ દંપતી અમેરિકા પહોંચી જાય ત્યાર બાદ 1.20 કરોડ દંપતી પાસેથી એજેન્ટને લેવાના હતા. પરંતુ તે પહેલાં આ લોકો પકડાઈ ગયા છે. જોકે હાલ તો અમેરિકાની ટિકિટ ના રૂપિયા પણ વિશ્વજીત પટેલે કરી આપવાની વાત પણ સામે આવી રહી છે. નોંધનીય છે કે હાલ તો આ મામલે દંપતી ની ધરપકડ કરવા માં આવી છે અને વિશ્વજીત ને નજરકેદ કરવા માં આવ્યા છે.અને તેની તપાસ માં સામે આવશે કે આ સિવાય તેને અન્ય કેટલા લોકો ને આવી રીતે વિદેશ મોકલ્યા છે.
